Monday, November 21, 2011

විවාහය

පසුගිය වෙසඟ මස අවසන් සතිය තුල
පැතිරි ගොසින් මංගල සිරි සුවඳ නල
සුමඟුල් විවාහය පිලිබඳ කුසුම් වැල
පැලඳෙන මොහොත එලැඹිණි කවියෙකුගෙ ගෙල

එක් කර සිය නැ සුමිතුරන් සොයා
එලැඹෙන මඟුල් මොහොතට තිස් පැයක් තියා
සැරසි තරුණ කවියෙකු රජ කුමරු නියා
රිය මැදිරියේ නැඟ දුම්බර දෙසට ගියා

අවරට ගොසින් දිනකර පැයකට පස්සේ
රිය මැදිරියෙන් බැස මල් ගොමුවක ඔස්සේ
සීතල සුලඟ විඳ විඳ තුති මල් වැස්සේ
හෙමිහිට ගියෙමි මම කඳු මුදුනක ඔස්සේ

දල්වා පහන් හැම තැන උඩු වියන් බැඳ
සුදු රෙදි වලින් සරසා පුටු මේස ඇඳ
පිලියෙල කරපු මංගල ගේ තුලට වැද
මම පසු වුනෙමි හිතවතියක දකින ලෙද

ගෙල මල් මාල ලා හිස සුදු ඔටුනු බැඳ
පසුදා පාන්දර උඩරට ඇඳුම ඇඳ
පිලියෙල කෙරුණු මංගල පෝරුවක් මැද
මම පසු වුනෙමි හිතවතියක දකින ලෙද

අබරණ පැලැඳ කණ කර දෙපයද දැත
තනි සුදු ඔසරියක් ඇඳ දුරු කර බීත
නාදය ඇසෙන විට ජයමංගල ගීත
මගෙ හිතවතිය මා ලඟ විය සුවිනීත

මංගල සිරිත් සිදුවිය එකකුදු නොහැරී
වත්කර අතට පැන් කෙණ්ඩියකින් මිහිරී
කවියෙකු සමඟ උඩරට රුබර කුමරී
අබිෂේකයක් ලැබුවා පෙම් ලොව මිහිරී

ඉන්පසු කුමරියක් ලොකු මල් මිටක් නෙලා
සුරතේ තැබු පසු සිත සොම්නසින් පෙලා
උඩරට මගේ මැනිකේ මා ලඟට වෙලා
රිය මැදිරියේ ආවෙමු "නන්දන"ය බලා

                                                      පුංචි බණ්ඩා හේරත්
                                                      1943 මැයි

7 comments:

  1. මේ මොකෝ මේ . . හදිසියෙම මගුල් ගෙවල් ගැන කවි ????

    ReplyDelete
  2. මේ අපෙ සීය ලියපු කවියක්.ලඟදි හම්බුනා ,ඉතින් දැම්මා.වෙන මුකුත් නැ. :)

    ReplyDelete
  3. අහා..!!! කවි පරපුරක්... :)

    ReplyDelete
  4. ලේලිටත් සීයගේ කවි සිහි වෙන්නේ මංගල්ලයක් ලංවෙලාද මංදා..?

    ReplyDelete
  5. ෂා...සීයා මරුවට ලියලා තියෙනවානෙ.

    ReplyDelete
  6. සීයගෙ කවි නියමයි.. එත් ලේලී සීයගෙ කවි ලිය ලිය ඉඳලා හරියන්නෙ නැ‍තෝ ! තමුන්ගෙම කවි ලියන්ඩෝ !!

    ReplyDelete
  7. සමාවෙන්න .. ලේලී නෙවෙයි මිනිබිරී !

    ReplyDelete