මිනිසා

අන්තර් අභිජනනයෙන් බිහිවන

සරු ජනිතයෙකි ඔහු

විද්‍යාත්මකව

අන්තර්ජාතිකව පලදායි වූ

ශ්‍රම ඒකකයකි ඔහු

ආර්ථිකව

අන්තර් සබඳතා ජාලයක මත

කේන්ද්‍ර නියමුවෙකි ඔහු

සමාජීයව

එහෙත් අන්තරා වූ එකෙක්දැයි

මට සිතේ ඔහු

~මිනිසෙකුව~

නිරීක්ෂකයෙකි ඔහු

ප්‍රෝටෝන් නියුට්‍රෝන වල සිට

චක්‍රාවාට පුරාවට

තම දැක්මෙන් නියමයන් පතුරන

එහි වර්ධනීය අවස්ථාවයි එසැමගේම

ඕපා අපා මවාපා විකාශනය

සන්නිවේදකයෙකි,

වචනාර්ථය භාවමය නිරුපනය

කොතෙක් දුර වීද

මවයි සජීවමය හා රුපමයව

එහි එහි ඉදිරි දැක්මේ කලාවේ

ලෙයට කිරටද වෙළඳ අගයන්

අසුරන

සිරිත් විරිත් වෙනුවට

සිරිතට විරිත්තමින්

ශිෂ්ට ආචාරය

විචාරය කරමින්

සංස්කෘතියට ශරීරකෘත කරමින්

ඉදීරියට ඇදෙන ඔහු

නුදුරේම ජය කනුව

පසුකරනු ඇත

එදිනට යෙදෙන සුබ මොහොතින්

හිස දං ගෙඩියටද

පය දඬුකඳටද

මනාව පිහිටන සේ

මාරු සිටින දිසාව බලා

නිර්වස්ත්රභාරණයෙන් සැරසි

හොඳින් ආයුර්වෙදියව මුසුකරගත්

විරේකයක් පානය කොට

"me" වෙනුවෙන්ම කැපවූ මිනිසුන්ට

දිර්ගායුෂ පතමුද???

                                             ලක්ශාන්ත බ්‍රයන් ද සිල්වා

ප.ලි- සුබ උපන්දිනයක් ලක්ෂාන් අය්යා.....